O xoves 5 de agosto ás 21.00, para celebrar a Feira do Libro da Coruña, marcharei a Lugo para obrar a poesía dentro do ciclo Tarde e Tardiña, acompañando a Xurxo Chapela e Piti Sanz.

Enténdase neste contexto o termo “acompañar” como unha concatenación lineal non mesturada de recitados, uso percutivo do plectro contra a forma guitarroidea e a materialización muradá de cagarse na collona.

Todo isto terá lugar na Canella do Hospital. Se chove (que non vai chover), será na carpa da praza da Soidade, polo que, de ser ese o caso e para dotar o evento de certa coherencia, debería estar eu alí só.

Ah! A entrada é gratuíta ata completar a cabida do recinto, aínda que, persoalmente, creo que vos habían cobrar un ollo da cara.